Anëtari i Komitetit Ekzekutiv në FFK, Naser Ajeti uron Dritën për titullin e kampionit

Derbi i zhvilluar në mes Gjilanit e Ballkanit, e cila është përmbyll me rezultat 2-2, ka nxjerr skuadrën e Dritës kampione të Kosovës.

Anëtari i Komitetit Ekzekutiv në FFK, Naser Ajeti, ka uruar “bardhekaltërtit” e Dritës titullin e kampionit.

“Qyteti i Gjilanit edhe një herë dëshmoi se është qytet i futbollit, këtë e kanë dëshmuar dy skuadrat e qytetit, Drita e Gjilani, me lojërat e tyre gjatë këtij kampionati.
Skuadrës së Dritës i urojmë titullin e kampionit duke ju dëshiruar suksese në Ligën e Kampionëve duke e përfaqësuar shtetin e Kosovës në këtë ligë prestigjioze në mënyrë të dinjitetshme, ndërsa edhe skuadra e Gjilanit me gjasa të mëdha që brenda pak ditësh do të jetë skuadra që do t’na përfaqëson në Ligat Evropiane pasi që ka edhe një ballafaqim ku do të takohet me Flamurtarin. Ju urojë suksese të mëdha dy klubeve të Anamoravës”, thuhet në urimin e Ajetit./rajonipress/