Anëtari i Komitetit Ekzekutiv në FFK Naser Ajeti uron Dritën e Gjilanin

Naser Ajeti anëtari i Komitetit Ekzekutiv në Federatën Futbollistike të Kosovës i cili përfaqëson futbollin e Anamoravës ka uruar dy skuadrat Gjilanase për sukseset e arritura në këtë kampionat futbollistikë në Superligën e Kosovës.

Me ndeshjet e zhvilluara të javës së 33-të bie “perdja” e kampionatit mjaftë interesant ku Drita shpallet kampione për herë të tretë në historikun e saj ndërsa Gjilani për herë të parë shtetin e Kosovës do ta përfaqëson në kupat Europiane.

“Eshtë kënaqësi dhe nder që dy klubet nga qyteti i Gjilanit të mbajnë primatin e më të mirit në futbollin e Kosovës dy klube të cilat shtetin e Kosovës do ta përfaqësojnë në arenën ndërkombëtare të futbollit duke shpresuar se edhe në këtë kompeticion të garave Europiane do të na bëjnë krenar, është mjaft emocionuese që qyteti i Gjilanit është veshur nën petkun solemn “bardh e kaltër” që simbolizon ngjyrat e FC Dritës dhe “kuq e bardhë” atyre të SC Gjilanit. Urime dy skuadrave, futbollistëve stafit të klubeve, presidentëve të klubit dhe tifozëve “Intelektualëve” e “Skifterave” që ishin bukuria e futbollit të Kosovës uroj që ky sukses i juaj të mos ndalet asnjëherë” ka theksuar anëtari i Komitetit Ekzekutiv të FFK-së Naser Ajeti./rajonipress/