Anëtarësimi i Kosovës në BE, peng i dialogut me Serbinë

Dialogu me produktet e tij dhe rruga drejt anëtarësimit të Kosovës në Bashkimin Evropian, në vazhdimësi kanë qenë të lidhura.

Marrëveshja e Ohrit, saktësisht pika tre e aneksit këtë lidhje e qon në nivel tjetër, duke e qartësuar se “palët e kanë parasysh se Marrëveshja dhe Aneksi Implementues do të bëhen pjesë integrale e proceseve respektive të anëtarësimit në BE për Kosovën dhe Serbinë”.

Kthehen protestat në Çashkë, banorët kundërshtojnë ashpër hapjen e paraleles shqipeTifozët arabë kanë humbur arsyen, vazhdojnë t’i fyejnë legjendat e futbollit R…“Na martoi një hoxhë”, deklarata para hetuesve e 16-vjeçares që dyshohet se u abuzua se…Kryeministri sllovak: A besoni vërtet se ka luftë në Kiev, mos bëni shaka ju lutem“Më ka tradhtuar ish-i dashuri por fajin e kam pasur unë”, Rike Roçi tregon si u nda ng…

Pavarësisht kësaj kryeministri i Kosovës, Albin Kurti, kërkoi që këto dy procese të mos lidhen, duke arsyetuar se Kosova ka përball një shtet që nuk është i interesuar për integrim.

Por, gjasat që një kërkesë e tillë të marrë mbështetje nga liderët e BE-së, ka pak të ngjarë.

“Konsideroj që kërkesa ka qenë diçka legjitime nga ana e Kryeministrit, por që teknikisht nuk konsideroj që është shumë e bëshme. Ta shohim ndoshta befasohemi”, thotë Arbresha Loxha nga Grupi për Studime Juridike dhe Politike (GLPS).

Loxha që udhëheq me GLPS-në thotë se gjithçka mbetet e ndërlidhur me procesin e dialogut.

“Edhe Kosova edhe Serbia e kanë të ndërlidhur përparimin në rrugën e anëtarësimin në Bashkimin Evropian me normalizimin e marrëdhënieve, konkretisht me dialogun. Kosova fatkeqësisht është peng i palës Serbe, pasi që çdo herë kur një pikë nuk i ka konvenuar palës Serbe, atëherë dialogu është pezulluar”, shton ajo.

Për qasje jokorrekte të BE-së në raport me Kosovën, flet edhe opinionistja Besa Luzha, teksa përmend edhe mos-liberalizimin e vizave për kosovarët si shembull.

“ Ne nuk mundemi me ndiku se në çfarë mënyrë me ndëshku Serbinë, por është normale me thënë që neve mos na penalizoni. Shembull është se qytetarët tanë janë përdorur nga BE-ja për ta penalizu Kosovën shkaku i politikave. Mbi 10 vjet nuk na është leju me lëvizë pa viza në shtetet e BE-së”, shprehet Luzha.

Për deklaratat e Kurtit por edhe lidhjen e dialogut me anëtarësimin në BE, televizioni ka dërguar një sërë pyetjesh edhe në drejtim të zyrës për media të kryediplomatit evropian, Josep Borrell, por gjatë ditës nuk ka marrë përgjigje. /RTVDukagjini/