Anel Rashkaj nuk e di se a do të jetë pjesë e Kosovës për ndeshjen ndaj Turqisë dhe gjithashtu nuk shpreh pakënaqësi në Albert Bunjakin ashtu siç bëri ditë më parë Liridon Krasniqi.
Ish-kapiteni i Përfaqësuesës së Kosovës tani është pjesë e Esklistuna, skuadër që bën gara në Suedi, ku në të gjitha ndeshjet e zhvilluar deri tash ai ka qenë titullar, raporton Sportali.net.
Bunjaki kohë më parë kishte thënë se Rashkaj duhet të largohet nga Sandness Ulf, klub që bën gara në Ligën e Dytë norvegjeze dhe të shkojë te ndonjë skuadër më e fortë nëse dëshiron që të jetë pjesë e Kosovës përsëri.
“Mendoj që është punë profesionale dhe nëse kam treguar lojë që është e mjaftueshme për thirrje atëherë ‘Ok’, nëse jo atëherë nuk ka ndonjë gjë të çuditshme se këtu kemi të bëjmë me profesionalizëm,” ka thënë Rashkaj ekskluzivisht për Sportalin.
Ai gjithashtu tregoi se nuk ka pasur ndonjë bisedë me selektorin pas ndërrimit të klubeve, ndërsa për ndeshjen me Turqinë shprehet se do të jetë përballje e vështirë.
“Është ndeshje e vështirë pasi të gjithë e dinë se çfarë potenciali ka Turqia”, tha Rashkaj.
