Andi Zeqiri mund të bëhet shok skuadre me Edon Zhegrovën, Lille ka interesim të shtuar për sulmuesin shqiptar

Andi Zeqirit i kanë mbetur edhe dy ditë për të marrë një vendim se ku do ta vazhdojë karrierën, pasi klubi që zotëron kartonin e tij, Brighton & Hove Albion, nuk llogaritë në shërbimet e sulmuesit shqiptar.

Por Zeqiri që luajti sezonin e shkuar te Basel, duket i qetë, pasi nuk i mungojnë klubet e interesuara, madje edhe ofertat specifike.

Sulmuesi po kërkon të zgjedhë sfidën e duhur, me OSC Lille që është një nga opsionet kryesore.

Brighton nuk dëshiron ta huazojë më, por dëshiron ta shes përfundimisht për 3 milionë euro, shkruan 4-4-2.ch.

Zeqiri është në listën e ngushtë të Lillë, por francezët kanë edhe dy kandidatë të tjerë për sulmues në listë.

Prioriteti i Zeqirit mbeten Ligue 1 ose Bundesliga, ku edhe ka disa klube tjera dëshirojnë të punojnë me 24-vjeçarin.

Olympique Marseille dhe Werder Bremen kishin shprehur interesim, por nuk ishin të gatshëm të paguanin 3 milionë eurot e kërkuara nga Brighton.

Kontrata e Zeqirit me klubin anglez skadon në vitin 2024. /Telegrafi/