Analistët kanë një porosi për Atifete Jahjagën

Sesioni vjeshtor në Kuvendin e Kosovës nuk ka filluar ashtu siç ishte paraparë. Dy seancat e para janë ndërprerë në mënyrë arbitrare nga radhët e opozitës.

Për tejkalimin e situatës, analistët politikë vlerësojnë se presidentja Jahjaga duhet t’i thërrasë në një takim krerët e partive politike më qëllim të gjetjes së një zgjidhje më të cilën do të tejkalohej situata e krijuar.

Njohësi i çështjeve politike, Blerim Burjani e vlerëson si jo demokratike bllokimin e Kuvendit nga ana e opozitës. Opozitarët sipas tij, pakënaqësinë e tyre mund ta shprehin duke e braktisur Kuvendin dhe jo ashtu siç kanë reaguar në seancat e fundit.

Burjani thotë nëse opozita vazhdon më këtë qasje atëherë gjendja mund edhe të eskalojë. Për të tejkaluar këtë situatë, Burjani thotë se Qeveria duhet t’i ofrojnë mundësinë opozitës qe të ketë rolin e saj në zbatimin e marrëveshjeve. /Tribuna Channel/