Amir Rrahmani lëshon rrënjë në përbërjen e Veronës, vjen fitorja e parë në këtë edicion
RajoniPress
07:21, 2 Shtator, 2019
Mbrojtësi i Përfaqësueses së Kosovës, Amir Rrahmani, ka arritur fitore me skuadrën e tij, Verona në fushën e Lecces me rezultat 1:0 në kuadër të xhiros së dytë të Series A, raporton Zëri.info.
Rrahmani në këtë ndeshje u aktivizua për 90-të minuta duke treguar lojë shumë të mirë.
Rrahmani edhe në xhiron e kaluar ishte i plotë për Veronën.
Në këtë ndeshje titullar në qendër të mbrojtjes ishte dhe mbrojtësi i Kombëtares së Shqipërisë, Marash Kumbulla.
Verona me këto pikë të fituara, ndodhet në pozitën e shtatë me shtatë pikë të mbledhura.
Kujtojmë se Rrahmani në këtë verë kaloi te Verona nga skuadra e madhe kroate Dinamo Zagreb.
Ai pas kësaj sfide do ti bashkohet Kosovës për ndeshjet ndaj Çekisë dhe Anglisë për kualifikimet e “Euro 2020”. /Zëri.info
