Amir Rrahmani lë pas Cristiano Ronaldon, regjistron statistikë brilliante në Serie A
RajoniPress
15:59, 8 Tetor, 2019
Amir Rrahmani është duke kaluar nëpër një formë mbresëlënëse në Serie A me skuadrën e Hellas Veronas.
Mbrojtësi prishtinas e ka ‘uzurpuar’ pozitën e titullarit te skuadra elitare italiane dhe është i padiskutueshëm në formacionin e Ivan Juric, shkruan Zëri.info.
Së fundmi, Rrahmani u paraqit 90 minuta në fitoren 2:0 të Hellas Veronas ndaj Sampdorias.
Në ndeshjen e fundjavës që lamë pas, Rrahmani regjistroi një statistikë të jashtëzakonshme.
Sipas ueb-sajtit zyrtar të statistikave në Serie A, kapiteni i Kosovës ishte futbollisti më i shpejtë i kësaj xhiro me një sprint prej 34.7 kilometra në orë.
Ai la pas edhe futbollistin e Juventusit Cristiano Ronaldo./Zëri.info/
