Amir Rrahmani: Kemi cilësi për ta mposhtur Finlandën

Amir Rrahmani ka thënë se Përfaqësuesja e Kosovës ka cilësi prandaj dhe beson se Kosova mund të arrijë rezultat pozitiv ndaj Finlandës.Takimin e parë të Kosovës në eliminatore për Botërorin “Rusia 2018” ai e cilëson si shumë të rëndësishëm, përcjell Express.

Kosova dhe Finlanda takohen të hënën në kuadër të xhiros së parë të Grupit I në eliminatoret “Rusia 2018”.

“Kjo është një ndeshje shumë e rëndësishme. Është ndeshja e parë për kualifikimet e botërorit dhe për këtë ka shumë rëndësi që të nisim mirë. Kemi cilësi të ekipit duke i njohur të gjithë lojtarët dhe unë besojë se do të arrijmë një rezultat pozitiv,” tha ai./Gazeta Express/