Amir Rrahmani i pafat, pëson lëndim ndaj Atalantas

Kapiteni i Kosovës Amir Rrahmani është detyruar të largohet nga fusha në derbin ndaj Atalantas, shkaku i lëndimit.

Qendërmbrojtësi u largua nga fusha në minutën e 64-të, pasi mori një goditje nga Zappacosta.

Sipas gazetarit italian Gianluca di Marzio, Rrahmani ka ndjerë dhimbje prandaj edhe trajneri Antonio Conte e largoi nga fusha.

“Gjatë ndeshjes me Atalantan, Rrahmani u largua shkaku i lëndimit. Mbrojtësi i Napolit pësoi një goditje, duke e detyruar trajnerin për ta zëvendësuar”, shkruan ndër të tjera ai.

Gjendja e Rrahmanit do të mësohet në orët e ardhshme, me shpresën që lëndimi i lojtarit të mos jetë serioz.

Kujtojmë, Rrahmani sapo ishte kthyer nga lëndimi në muajin e kaluar ndërsa zhvilloi paraqitje pozitive ndaj Sllovenisë dhe Zvicrës./Telegrafi/