Eko Higjiena

Amir Rrahmani flet nga karantina në Verona: Nuk dihet kur kthehemi të luajmë, jam mirë dhe nuk kam simptoma

/ 2 minuta lexim

Amir Rrahmani po zhvillonte një sezon fantastik. Ai nënshkroi ndoshta kontratën e jetës me Napolin, pret kualifikimin në Kampionit Evropian nëpërmjet Ligës së Kombeve, por coronavirusi ndali, për momentin, gjithçka.

Amir Rrahmani tregon për “FanZone” të Supersport se çfarë po ndodh të Verona në këto ditë të vështira.

“Para dy të dielave, kemi zhvilluar ndeshjen me Sampdorian, kemi humbur 1-2. Pas disa ditësh, disa lojtarë të Sampdorias dolën pozitivë, kemi qenë të detyruar të qëndronim të izoluar”.

Keni patur frikë dhe a ju është bërë tamponi?

Nuk na është bërë asnjë test, sepse nuk kemi patur asnjë simptomë. Para se të nisë stërvitja, mendohet me 4 prill, por do të jetë e vështirë, do të na bëhen testet.

Kur do të shkosh te Napoli?

Më 1 korrik është kontrata, nuk e di se çfarë do të bëhet.

Uji Dea

Çfarë thuhet në Itali për rinisjen e kampionatit?

Presidenti i Italisë e ka vendosur që deri më 4 prill duhet të jemi të gjithë brenda, para dy ditësh ka dalë në konferencë e ka thënë se mund të shtyhet. Ende nuk dihet çfarë do të ndodhë.

Mendon në këtë kohë se është mirë të jesh ende beqar?

Tani po e kuptoj që jo, kam mbetur vetëm, me biçikletën.

Të vjen keq që u shty ndeshja me Maqedoninë?

Më mirë që është shtyrë, sepse do ta zhvillonim pa tifozë. E provuam me Sampdorian, ishte pa ndenja, pa entuziazëm. Familja ime? Të gjithë janë mirë, kanë qëndruar brenda. Shpresoj të kalojë kjo situatë sa më shpejt. /Supersport/