Amir Rrahmani e zbulon këngën e tij motivuese, idhullin e fëmijërisë dhe e përshkruan veten me një fjalë

Amir Rrahmani e ka dhënë një intervistë interesante nga Arabia Saudite, aty ku është vendosur me ekipin e Napolit për angazhimet që do t’i ketë në Superkupën e Italisë.

Qendërmbrojtësit kosovar iu bënë disa pyetje të shkurtra rreth futbollit, por edhe jashtë tij, ndërsa iu kërkua edhe që ta përshkruante veten, shkruan “Gazeta Express”

Më poshtë mund ta lexoni intervistën e shkurtër të futbollistit të Napolit të postuar në faqen e Serie A dhe të Napolit në Instagram.

– Si shkoi rruga deri në Arabinë Saudite?

Rrahmani: “Udhëtimi ishte i gjatë, por i bukur”

– A është kjo hera e parë që vjen në Arabinë Saudite?

Rrahmani: “Po, është hera e parë për mua”

– Çfarë kënge e dëgjon para një ndeshjeje të madhe?

Rrahmani: “Ka këngë të shumta që më pëlqejnë sepse e dua muzikën, por do të thosha, njëra prej tyre është Travis Scott – I know”

– Kush ishte idhull i yti kur ishe fëmijë?

Rrahmani: “Ishte Thierry Henry”

– Cilat sporte i përcjell përpos futbollit?

“Më pëlqejnë sportet. E ndjek basketbollin, tenisin, po ashtu edhe Formula 1”

– Përshkruaje veten me një fjalë!

Rrahmani: “Komik/argëtues”