Ambasadori i Gjermanisë në Kosovë, Jörn Rohde, është shprehur entuziast në lidhje me tri marrëveshjet e lëvizshmërisë që sipas tij, tregojnë qartë përfitimet që sjell Procesi i Berlinit.
“Ato nxisin integrimin rajonal dhe e afrojnë WEB6 më pranë BE-së”, ka shkruar Rohde në Tweet.
“Vërtet lajm i mirë! Tri marrëveshjet e lëvizshmërisë tregojnë qartë përfitimet që Procesi i Berlinit sjell për qytetarët. Ato nxisin integrimin rajonal dhe e afrojnë WEB6 më pranë BE-së”, tha ai.
Këto komente Rohde i ka bërë pas vendimit të Qeverisë së Republikës së Kosovës e cila miratoi 3 marrëveshje mobiliteti të nënshkruara vitin e kaluar në Procesin e Berlinit.
“Liria e lëvizjes së njerëzve dhe shërbimeve që mundësojnë lëvizshmërinë e bizneseve dhe profesionistëve janë dy nga katër liritë themelore të BE-së”, ka thënë Kurti.
