Ambasadori gjerman për dënimin e Mustafës: Vendim ndaj një individi, jo ndaj UÇK-së

Ambasadori gjerman në Kosovë, Jorn Rohde, ka thënë se gjykimi ndaj ish-komandantit të UÇK-së, Salih Mustafa, e forcon shtetin e së drejtës.

Ai tha se një vendim i tillë nga Gjykata Speciale nuk është ndaj Ushtrisë Çlirimtare të Kosovës, por ndaj një individi.

“Gjykim i rëndësishëm që forcon shtetin e së drejtës. Ky është një aktgjykim ndaj një individi për kryerjen e krimeve të rënda të luftës, jo një aktgjykim ndaj UÇK-së. Po aq e rëndësishme është vendosja e drejtësisë për viktimat – s’ka mosndëshkim”.

Edhe Shtetet e Bashkuara e kanë mirëpritur vendimin e Gjykatës Speciale ndaj ish-komandantit të Ushtrisë Çlirimtare të Kosovës.

Musata është dënuar me 26 vjet burgim për krime lufte. Më konkretisht, ai është dënuar për vrasje të paligjshme, torturë dhe ndalim arbitrar. Ai është shpallë i pafajshëm për trajtim mizor.

Shpërndaje.
© RAJONIPRESS