Ambasadori Delawie mbështet përpjekjet e rektorit Zejnullahu
RajoniPress
20:34, 13 Tetor, 2015
Rektori i Universitetit të Prishtinës, Ramadan Zejnullahu priti sot ambasadorin e SHBA në Kosovë, Greg Delawie, të cilin e informoi për të arriturat dhe sfidat me të cilat po përballet Universiteti i Prishtinës.
Ambasadori Delawie konfirmoi edhe një herë mbështetjen e fuqishme amerikane për ngritjen e cilësisë në Universitetin e Prishtinës, si kontribut zhvillimit të arsimit të lartë në Kosovë. Ambasadori Delawie, ndër të tjera, tha se “ngritja e cilësisë lidhet drejtpërdrejt me ngritjen e nivelit të stafit akademik” dhe theksoi se “diplomat cilësore mundësojnë punësim më të lehtë dhe vazhdim të studimeve pasdiplomike jashtë vendit”.
Rektori Zejnullahu falënderoi ambasadorin Delawie për mbështetjen që Qeveria e SHBA i jep Universitetit të Prishtinës, në veçanti përmes Programit të Lidershipit Transformues nga i cili përfitojnë disa njësi akademike të Universitetit.
http://koha.net/?id=27&l=79331
