Ambasadori britanik: Ndryshimi i Qeverisë me dhunë është grusht-shtet

Ambasadori i Britanisë së Madhe në Kosovë, Ruairi O’Connell ka vlerësuar se “situata (në Kosovë) është shumë e rrezikshme” në intervistën në emisionin “Monitor” në RTK.

Ambasadori O’Connell është shprehur se është “e drejtë demokratike që të kundërshtohen nga opozita marrëveshjet ndërkombëtare” dhe se “duhet të ketë zëra të ndryshëm që kritikojnë e kundërshtojnë”.

“Por, për mua nuk mund të kërkohet diçka me dhunë, të thuhet të pranohet kërkesa ime ose do të përdori dhunë deri sa kërkesa ime të mos pranohet”, tha ai.

Ambasadori O’Connell u shpreh se “qeveria (duhet) të bëjë çmos që t’u shpjegojë qytetarëve marrëveshjet”.

Ai u shpreh se “Marrëveshja (për Asociacionin) ka qenë pjesë e marrëveshjes për shpërbërjen e strukturave paralele dhe nuk bëhet për t’i bërë favor Serbisë apo dikujt tjetër”.

“Nëse do të shkojmë përpara ndonjëherë duhet të merren vendime të vështira”, tha ai.