Ambasadori amerikan përgëzon Kuvendin për miratimin e rezolutës për dialogun me Serbinë

Ambasadori Amerikan në Kosovë, Philip Kosnett, ka përgëzuar Kuvendin e Kosovës për miratimin e rezolutës për dialogun Kosovë-Serbi si dhe votimin e delegacionit shtetëror në këtë proces.

Nëpërmjet një postimi në Twitter, ambasadori amerikan në Kosovë ka thënë se SHBA do të mbështet dialogun që do të ndërmjetësohet nga BE për arritjen e marrëveshjes gjithëpërfshirëse mes Kosovës dhe Serbisë.

“Mirëpres votën e Kuvendit lidhur me Dialogun. Përkrah pjesëmarrjen politike në dialog nën udhëheqjen e BE-së me mbështetjen tonë dhe kjo hap zgjidhje kreative. Ne përgëzojmë udhëheqjen e Kuvendit me gjithëpërfshirjen e delegacionit shtetëror – çelës për arritjen e marrëveshjes gjithëpërfshirëse”, ka shkruar Kosnett. /Telegrafi/