Ambasadorët në shërbim të politikës

Diplomacia kosovare e mbërthyer në krizë dhe paaftësi, stafi diplomatik përbëhet kryesisht nga militantët partiakë.

Ambasadorët e Kosovës, që janë të vendosur nëpër vende të ndryshme të botës, nuk janë duke lobuar për çështje të Kosovës, për thithjen e investimeve të jashtme, por janë aty më shumë për të kryer punët e politikës që i ka dërguar. Deri sot, vendit nuk i kanë sjellë ndonjë investitor të madh në Kosovë, ku do të mund të flitej për rezultate.

Ekspertët thonë se edhe nëpër aktivitete të ndryshme që i mbajnë ambasadat kosovare nëpër botë, të ftuarit i kanë pa peshë. Emërimi i ambasadorëve të Kosovës, nga fillimi ka qenë politik dhe ambasadorët dhe stafi përcjellës përbëhen kryesisht nga militantët politikë që nuk bëjnë kurrfarë lobimi ekonomik për të thithur investimet, ata në fakt kanë shkuar sa për të marrë një rrogë të majme dhe t’u shërbejnë shefave që i kanë dërguar atje../Kosova Sot/