Ambasada e Kosovës uron për Fitër Bajramin

Ambasada e Kosovës në Bernë, besimtarëve myslimanë të Kosovës në Zvicër, për Festën e Fitër Bajramit, të njohur mes nesh si Festa e Bajramit të Madh, u shpreh urimet më të mira, të bindur se gjatë këtyre ditëve të festës do të kaloni çaste të lumtura me familjet e juaja, me të afërmit dhe gjithë njerëzit që u rrethojnë, duke e shtuar edhe më shumë mirësinë dhe dashurin për njëri-tjetrin.

Fitër Bajrami vjen pas një muaj agjërimi, ku besimtarët u sprovuan me thellim të besimit, disciplinës shpirtërore dhe fizike, kështu duke kryer një obligim fetar të rëndësishëm të fesë islame.

Urojmë që fryma e mirëkuptimit dhe e kultivimit të vlerave që na kanë bashkuar dhe na bashkojnë si gjithmonë, të rriten edhe më shumë në mesin tonë, për të manifestuar tolerancë e mirëkuptim për të mirën e vetvetes, të familjes, të shoqërisë aty ku jetoni dhe veproni si dhe të Shtetit të Kosovës si një shembull paqeje, përparimi dhe harmonie midis njerëzve të përkatësive të ndryshme etnike dhe religjioze.

Gëzuar!