Alushi kualifikon PSG-në në çerekfinale të “Championsit”
RajoniPress
08:05, 14 Nëntor, 2014
Sulmuesja kosovare, Fatmire Alushi, fitoren e skuadrës së saj PSG kundër Lyonit, në ndeshjen kthyese të 18 së finales të Ligës së Kampionëve e ka cilësuar shumë të veçantë.
Alushi të mërkurën mbrëma shënoi golin e vetëm në fitoren që PSG-ja e arriti kundër Lyonit (1:0). Ndeshja e parë ishte mbyllur 1:1. Alushi golin e shënoi në minutën e 79-të. Për PSG-në është hera e parë që kualifikohet në çerekfinale të “Championsit”, transmeton Koha.net.
Një fitore kundër Lyonit është gjithmonë e veçantë”, ka thënë Alushi të enjten, njofton “rp-online.de”.
© KOHA.net
