Alushi kërkon ekip

Pas Albert Bunjakut, edhe Enis Alushi është përshëndetur me Kaiserslauternin.

Edhe pse ka kontratë edhe një vit me klubin gjerman, deri më 30 qershor 2015, mesfushori kosovar është lënë jashtë ekipit që po i zhvillon përgatitjet për sezonin e ri. Si rezultat i kësaj, 28 vjeçari duhet ta gjejë ekipin e ri.

Momentalisht, ai është duke ushtruar me ekipin U-23 të Kaiserslauternit, deri sa të sistemohet diku tjetër.

Alushi i kishte zhvilluar dy sezone me Kaiserslauternin, duke shfaqur formë të mirë, por ish futbollisti i Paderbornit nuk është më në planet e ‘kuqezinjve’.

Në të kaluarën, ai ka luajtur edhe për Kolnin dhe Wehen Wiesbaden. Gjithashtu, mitrovicasi, i cili është i martuar me futbollisten Fatmire Bajrami, është përfaqësues i rregullt i Kosovës. /Zeri/