Alushi i gatshëm për Kaiserslauternin

Mesfushori kosovar Enis Alushi thotë se ndihet plotësisht i gatshëm t’i ndihmojë skuadrës së Kaiserlauternit në ndeshjen e së shtunës që e zhvillon kundër Union Berlinit. “Ndihem mjaft mirë dhe i aftë për të luajtur. Gjurin tim e kam në rregull dhe mund të përballoj nivelin e lojës. Kemi një ndeshje të fortë në fundjavë.

Union Berlini është një nga skuadrat favorite. Por kemi vetëbesim dhe do të fitojmë. Konkurrenca në ekip është mjaft e fortë. Kemi shumë lojtarë kualitativë”, ka thënë Alushi të enjten për “rheinpfalz.de”.

Alushi 27-vjeçar për shkak të lëndimit të rëndë në gju i mungoi Kaiserlauternit. Por ai më 8 nëntor luajti tre minutat e fundit te Kaiserslauterni që fitoi ndaj Frankfurtit me rezultatin 4:0./koha/