Alma Lama iu bashkua LDK-së

Deputetja e Kuvendit të Kosovës, Alma Lama, sot iu bashkua Lidhjes Demokratike të Kosovës, e cila sipas LDK-së do ta japë kontributin e saj të mëtejmë si anëtare e Grupit Parlamentar të LDK-së, duke ndikuar në konsolidimin e mëtejmë të demokracisë së mirëfilltë në jetën institucionale e politike në Kosovë.

“Ajo u bë pjesë e rrugëtimit tonë të fuqishëm drejt fitores së madhe, fillimisht nëpër komunat e Kosovës dhe më pas në gjithë Kosovën. Deputetja Lama do ta japë kontributin e saj të mëtejmë si anëtare e Grupit Parlamentar të LDK-së”, thuhet në një komunikatë të LDK-së.

Në komunikatë thuhej se përmes grupit parlamentar të LDK-së, Lama do të ndikojë në forcimin e mëtejmë të këtij grupi dhe, përmes tij, në konsolidimin e mëtejmë të demokracisë së mirëfilltë në jetën institucionale e politike në Kosovë.

Ish deputetja e “Vetëvendosjes” që për një kohë ka qëndruar si deputete e pavarur e Kuvendit të Kosovës nuk e ka më një status të tillë në Kuvend. /Telegrafi/