Aliu vizitoi pikën grumbulluese të qumështit “Kabi” në Viti

Viti – Zëvendës kryetari i komunës së Vitisë Hasan Aliu i shoqëruar edhe nga drejtori i Bujqësisë dhe Pylltarisë Veton Ademi, kanë vizituar sot në mëngjes pikën kryesore të qumështit “Kabi” në Viti, për tu njoftuar me punën që bëhet në këtë pikë.

Udhëheqësit e kësaj pike grumbulluese të qumështit kanë njoftuar se interesimi i fermerëve për të dorëzuar qumështin në këtë pikë dhe pikat tjera që veprojnë në këtë komunë është i mirë, ndërkohë që kanë bërë të ditur se vetëm gjatë muajit maj janë grumbulluar 113.275 litra qumësht.

Zv. Kryetari Aliu ka theksuar se Institucionet komunale janë të përkushtuara për të mbështetur fermerët e komunës së Vitisë. “Ne do të vazhdojmë të përkrahim projektet e fermerëve, e këtë pikë grumbulluese e kemi mbështetur edhe me makina mjelëse viteve të shkuara, por do të vazhdojmë t`i ndihmojmë edhe në të ardhmen”, tha Aliu./rajonipress/