Aliu: Lagja “Zabeli” do t`i jap karton të kuq pushtetit komunal

Gjilan – Avdyl Aliu këshilltar komunal nga LDK-ja i cili vije nga lagja e “Zabelit” që njihet edhe si bastion i LDK-së thotë se pushteti komunal nuk ka investuar asnjë cent në këtë lagje duke e diskriminuar dhe duke e injoruar për gjashtë vite. Ne do t`i japim karton të kuq këtij pushteti dhe do ta ndëshkojmë duke e votuar Lutfi Hazirin për kryetar të Gjilanit shprehet ai.

Zabelasit në një takim të fundit që kanë pasur me krerët e LDK-së nga Prishtina dhe me vet Lutfi Hazirin i cili tashmë edhe e ka shpallur zyrtarisht kandidaturën për kryetar të Gjilanit, kanë qenë shumë kritikues ndaj pushtetit aktual.

Avdyl Aliu i cili është zgjedhur këshilltar komunal pikërisht nga kjo lagje thotë për rajonipress se asnjë investim komunal nuk është bërë në këtë lagje për rreth gjashtë vite.”Nuk e kemi asnjë motiv që të flasim bile një fjalë të mirë për pushtetin në ikje. Ne duhet ta çlirojmë Gjilanin nga kjo qeverisje e keqe. “Zabeli” dëshiron të çlirohet nga ky pushtet dhe nga kjo e keqe. “Zabeli” do t`i japi karton të kuq pushtetit aktual dhe do të votojë për Lutfi Hazirin e LDK “tha Aliu.

Aliu duke qenë i sigurt në ditoren e Lutfi Hazirit ka kërkuar nga ky i fundit që me marrjen e detyrës së re të mendojë për këtë lagje dhe të kompensojë gjashtë vitet e humbura. “Zabeli” nuk e ka merituar këtë diskriminim dhe këtë përbuzje. Jemi lagja më e organizuar derisa pushteti komunal ka favorizuar lagje e mëhalla të njerëzve që janë të lidhur me pushtetin e sidomos me strukturat e PDK-së” tha Aliu.

Aliu ka kërkuar nga zabelasit që të jenë të vëmendshëm dhe syçelë.”Koha e ndryshimit të madh po vjen për Gjilanin dhe LDK, andaj nëse jemi të bashkuar dhe të organizuar fitorja e Lutfi Hazirit është e sigurt dhe e pashmangshme” shprehet Aliu./rajonipress/