Gjilan – Kërkojmë nga ju imamë dhe këshilla të xhematit që të vazhdojmë me punën tonë duke u kujdesur më shumë, sepse ditëve të fundit janë shtuar rastet e infektimit. Prandaj duhet te kemi kujdes në mbajtjen e maskave dhe mbajtjen e distancës në xhami ka thënë Naim Aliu në një takim pune me imamët dhe këshillat e xhematit.
Kryetari i këshillit Naim ef Aliu së bashku me krye imamin Iljaz ef Mustafa mbajtën takimin me imamët e xhamive të qytetit të Gjilanit dhe anëtarët e këshillave te xhamive.
Qëllimi i takimeve ishte koordinimi i punëve të përbashkëta. Kryetari Naim Aliu në fillim i njoftoi të pranishmit arsyen e këtij takimi, i cili ka për qëllim njoftimin me gjendjen aktuale dhe për at të cilën kemi kaluar deri më tani, duke u përballur me pandeminë.
Kërkojmë nga ju imamë dhe këshilla të xhematit që të vazhdojmë me punën tonë duke u kujdesur më shumë, sepse ditëve të fundit janë shtuar rastet e infektimit. Prandaj duhet te kemi kujdes në mbajtjen e maskave dhe mbajtjen e distancës në xhami.
Kryetari, Aliu, njoftoi imamët dhe këshillat e xhematit për dëmet ekonomike që ka shkaktuar pandemia. Pasi që Këshilli i Bashkësisë Islame varet nga anëtarësia që grumbullohet nga xhemati, jemi të detyruar të kërkojmë nga imamët dhe nga ju që të jepni angazhimin e juaj në ketë aspekt. Kryetari Naim ef Aliu premtoi takimet e tilla me këshillat e xhematëve do të jenë më të shpeshta./rajonipress/
