Aliji mund t’i bashkohet Grasshopperit

Mbrojtësi i majtë i Kombëtares shqiptare, Naser Aliji mund të bëhet gjatë këtyre ditëve me skuadër të re.

Pasi nuk është aktivizuar me asnjë skuadër në gjashtë muajt e fundit, Aliji ka filluar stërvitjet me gjigantin zviceran Grasshopper.

24-vjeçari në fund të afatit kalimtar veror ndërpreu kontratë me Kaiserslauternin dhe mbeti lojtar i lirë.

Aliji në stërvitje me Grasshopperin

Ai deri më tani nuk ka gjetur asnjë skuadër dhe ka stërvitur me ish-skuadrën e tij Baselin.

Mediat zvicerane kanë shkruar se Aliji tani është në provë tek Grasshopperi.

Trajneri i GC-së, Murat Yakin është duke e shikuar nga afër para se të vendosë nëse do ta ndalë në skuadër ose jo.

Aliji më parë ka luajtur edhe për Baselin dhe Vaduzin në Superligën e Zvicrës.

Shqiptari nga Maqedonia është pjesë e Kombëtares së Shqipërisë që nga viti 2015 ndërsa mori pjesë edhe në Kampionatin Evropian ‘Francë 2016’. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).