Aliaj e zbulon: Këto dy klube italiane kërkuan Mërgim Vojvodën, por ne vendosëm në fund për Torinon

Para se të transferohej te Torino, për Mërgim Vojvodën interesim kishin shprehur edhe dy klube tjera nga Serie A, shkruan Zeri.info.

Dy klubet e njohura, Atalanta dhe Hellas Verona, ishin klubet që po kërkonin transferimin e reprezentuesit të Kosovës.

Kjo është konfirmuar edhe nga agjenti i lojtarit, Adrian Aliaj, në një intervistë për “CalcioHellas”.

“Kam biseduar me Atalantan dhe Veronan, por në fund ne vendosëm për Torinon dhe jemi të lumtur” – ka deklaruar Aliaj.

Mërgim Vojvoda është pjesë e Torinos që nga viti i kaluar dhe ka kontratë të vlefshme deri më 30 qershor të vitit 2024.

Mbrojtësi i Kosovës vlerësohet si një nga futbollistët kryesor te skuadra italiane. /Zeri.info