Ali Lajçi: Shala e Termkolli ikën për akomodim personal, AAK është në gazep

Nënkryetari i Pestë i AAK’së, Ali Lajçi, ka thënë se largimi i Blerim Shalës e Melihate Termkollit nga AAK kanë ndodhur, jo për qëllime programore, por për interesa të akomodimit personal.

Kështu Lajçi e ka komentuar largimin e deputetëve nga AAK’ja dhe kalimin e tyre te partitë tjera.

Megjithëkëtë, Lajçi ka thënë se Partia e Ramush Haradinaj është në gazep dhe po mundohet të bëje diçka për t’u rritur.

“Këto largime asgjë s’kanë lidhje me programe veç akomodime. Është interes i tyre”, ka thënë Lajçi, për Gazetën Express.

“AAK është qaty për gazep, janë duke u munduar të bëjnë disa ndryshime. Megjithëse vështirë është”, ka thënë ai, kur ka komentuar procesin e brendshëm zgjedhor.

“Jo, nuk do të shuhet por duhet me këqyrë sa bën gajret dhe e mundet me u rritë”, ka shtuar ai.

Aktualisht, AAK ka vetëm 9 deputetë në Kuvendin e Kosovës.

Në zgjedhjet e fundit parlamentare doli partia e pestë, ndërsa, në zgjedhjet lokale kishte humbur pushtetin në Pejë, Gjakovë, Rahovec e Suharekë.