Albion Rrahmani po shndërrohet në yll në Rumani – e mbyll ndeshjen me dy gola në derbin lokal

Sulmuesi Albion Rrahmani ka shënuar golin e dytë në ndeshje derbi mes Rapid Bukureshti dhe Dinamos në javën e tetë të Superligës së Rumanisë.

Rrahani debutoi te skuadra rumune duke shënuar dy gola, ka vazhduar me të njëjtin mënyrë edhe në ndeshjen e tij të dytë.

Fillimisht ai shënoi në minutën e 35-të të takimit nga penalltia, për t’i dhënë epërsinë skuadrës së tij për 1-0.

Në fillimin e pjesës së dytë shënuan edhe Claudiu Petrila dhe Razvan Oaida.

Ndeshja u mbyll me golin e shënuar nga Albion Rrahmani në minutën e 82-të, duke marr një top mes dy mbrojtëseve për të vrapuar drejt portës për të shënuar për 4-0.

Ai sipas SofaScore, ishte prej më të mirëve në fushë me notën 8.1.

Edhe pse e ka nisur pas gjashtë javësh, Rrahmani tani është i treti në renditjes e top shënuesve, duke hapur luftën për ‘Këpucën e Artë’. /Telegrafi/