Albion Rrahmani humb vitin, mësohet se sa do të mungojë
RajoniPress
15:06, 14 Tetor, 2023
| 6 muaj më parë
Albion Rrahmani nuk do të jetë në gjendje që të luajë më për këtë vit.
Ndeshja e tij e parë si titullar me Kombëtaren e Kosovës po del të jetë e fundit e tij për këtë vit. Sulmuesi pësoi një lëndim të rëndë në ndeshjen ndaj Andorrës, shkruan Gazeta Express.
Sipas asaj që ka raportuar mediumi rumun, “GSP”, Rrahmani do të mungojë për së paku tre muaj.
23-vjeçari do t’i nënshtrohet operacionit të hënën.
Rrahmani pësoi frakturë të fibulës dhe këputje të ligamenteve në kyçin e këmbës së djathtë.
Padyshim se ky është një lajm i keq edhe për Rapidin e Bukureshtit, pasi ish-sulmuesi i Ballkanit po kalonte formë të lartën në elitën e futbollit në Rumani.
Pas gjashtë paraqitjeve, reprezentuesi i Kosovës shënoi gjashtë gola dhe shtoi dy asistime. /Gazeta Express/
