Albin Kurti të punojë për bashkëngjitje të Luginës me Kosovën

Nga Bilall Maliqi – Nëse kryeministri i ardhshëm i Kosovës z. Albin Kurti nuk punon për bashkëngjitje të Luginës me Kosovën, e cila veç e ka dhënë verdiktin për bashkim që nga Referendumi i 1 dhe 2 marsit 1992, atëherë që në start e humb besimin te shqiptarët e kësaj krahine të ndarë.

Qeveria Haradinaj dështoi në këtë drejtim, LDK-ja është kundër korrigjimit të kufijve (edhe pse e din shumë mirë se Veriun kurrën e kurrës nuk mund ta kenë nën sovranitetin e Kosovës). Edhe deklaratat e kryeministrit të ardhshëm (gjatë zgjedhjeve) nuk ishin edhe aq të dëshirueshme dhe korrekte karshi kësaj pjese, andaj presim një bashkëpunim të ngushtë me presidentin e shtetit dhe të kryhet njëherë e mirë çështja e shqiptarëve të Luginës.

Nuk e besoj dot që kryeministri i Kosovës z. Albin Kurti nuk punon në këtë drejtim, përndryshe do ta mallkojë historia dhe Perëndia…! Nëse është i pashmangshëm korrigjimi, atëherë edhe unë jam për korrigjim të kufijve 3 me 3 (tre komunat tona me tre komuna të Veriut) dhe përfundimisht do të përmbyllet problemi i shqiptarëve të Luginës, por edhe i serbëve (problematikë) në Veri…!