Albin Kurti për dënimin e aktivistëve: Astritin e mbytën në burg, këta i dënuan pa fakte, prova e argumente

Ish-kryetari i Lëvizjes Vetëvendosje, Albin Kurti ka reaguar ndaj dënimit të katër aktivistëve të VV-së të cilët u shpallën fajtor për sulmin ndaj Kuvendit të Kosovës.

Kurti përmes një postimi në Facebook, ka shkruar se dënimi i tyre është bërë pa fakte, pa prova dhe pa argumente.

“Astrit Deharin e mbytën në burg, ndërsa katër aktivistët e tjerë i dënuan me 21 vjet e gjysmë burg. Lëvizja nuk ndalet dhe jemi më të fuqishëm se kurrë”, ka shkruar Kurti.

Postimi i plotë:

Astrit Deharin e mbytën në burg, ndërsa katër aktivistët e tjerë i dënuan me 21 vjet e gjysmë burg. Pa fakte, pa prova, pa argumente. Nuk ka pasur nevojë të na e përkujtojnë që e kanë pushtetin. Mbase po ia përkujtojnë vetvetes, tash që e kanë humbur popullin, para se ta humbin edhe pushtetin. Lëvizja nuk ndalet dhe jemi më të fuqishëm se kurrë. /Telegrafi/