Albin Kurti kandidat për Kryeministër me mbështetje të LDK’së, çfarë thotë Haziri

Nënkryetari i LDK’së, Lutfi Haziri në emisionin Frontal në T7 ka folur edhe për mocionin e rrëzimit të Qeverisë së udhëhequr nga Ramush Hardinaj, koaliconin e mundshëm më Vetëvendosjen, e Albin Kurtin si kandidat për kryeminsitër, shkruan Gazeta Express.

Në T7, Haziri tha se LDK ka vendosur që në zgjedhjet e ardhshme të kandidojë e vetme.

“Pa laku emra për kryeministër se nuk është as rendi as koha opsioni i mundshëm përveç asaj se LDK ka vendosur parimisht që në zgjedhje me shku vet, nëse një opsion i parë është me diskutu është me Vetëvendosjen e Albin Kurtit”, deklaroi ai, derisa shtoi se ka edhe opsione të tjera.

“Ka edhe opsione tjera, sepse ne nëse e realizojmë mocionin e mosbesimit është LDK-Vetëvendosje, PSD. Në 61 vota të deputetëve shqiptarë, është tregues i qartë për një rrugëtim më të gjatë që mundet me ardhë si kryeministër”, shtoi ai.

Haziri tha se LDK nuk heq dorë nga posti i kryeministrit, por, që thotë se partisë kryesore i takon të udhëheqë.

“LDK nuk heq dorë prej pozitës së vetë, ashtu si nuk tërheqin partitë tjera. Partitë kryesore i takon me udhëheq me qeveri”, përmendi ai./GazetaExpress

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).