Albin Kurti gabon adresën, i kërkon Presidentes të ketë debat në Kuvend

Pas takimit me presidenten, lideri i VV-së, Albin Kurti ka thënë se presidentja është e interesuar për mendimin e partive politike se si është më së miri të dilet nga kriza, përkatësisht ta zgjedhim kryetarin e Kuvendit.

“Vetëvendosje ka shprehur qëndrimin që në Kosovë të kemi parlamentarizëm e demokraci, e kjo duhet të nisë nga seanca konstituive. Për neve është e papranueshme që nuk ka debat parlamentar”, ka thënë Kurti.

Sipas tij, është detyrë e deputetëve që në seancën e radhës konstituive të debatohet.

“Presidentja nuk ka propozim, ajo vetëm po i dëgjon qëndrimet tona”, ka thënë Kurti.

Ai ka shtuar se kurrë deri më sot nuk ka pasur kaq shumë bashkëpunim nderparlamentar, por jo edhe me PDK-në.Sipas tij, PDK-ja është në krizë./express/