Albian Ajeti: Ishte një ditë e përsosur
RajoniPress
07:26, 9 Shtator, 2018
Albian Ajeti ka debutuar me gol me fanellën e Zvicrës në ndeshjen kundër Islandës, të cilën skuadra e tij e fitoi me rezultat 6-0.
Sulmuesi i Baselit u inkuadrua në lojë në minutën e 65-të, ndërsa u regjistrua në listën e golashënuesve në minutën e 71-të.
21-vjeçari është shprehur i kënaqur mes suksesin e ekipit, por edhe me golin e shënuar nga ai.
“E filluam ndeshjen mirë, bëmë presion dhe i shënuam disa gola”, citon rts.ch fjalët e futbollistit shqiptar.
“Unë isha në gjendje ta shënoja golin tim të parë (për Zvicrën), ishte një ditë e përsosur!”.
“Ka qenë shumë lehtë të integrohem në këtë skuadër, sepse është e shëndetshme dhe unë veçmë i njihja shumë nga lojtarët”, ka thënë sulmuesi.
Ajeti është duke luajtur te Baseli, ku u rikthye në vitin 2017. /Telegrafi/
