Albert Kastrati tërhiqet nga KF Gjilani

Gjilan – Odiseja në mes tifo klubit të Gjilanit “Skifterat” dhe kryesisë së klubit të Gjilanit nuk kanë të mbaruar. Albert Kastrati anëtar i kryesisë së KF Gjilanit jep dorëheqje nga skuadra “bardh e kuq” duke hapur rrugë stabilizimit të skuadrës së Gjilanit.

Kastrati i cili njihej si “alfa omega” e klubit të Gjilanit ka bërë të ditur se për hir të ngjyrave bardh e kuq”, largohet nga KF Gjilani.

“Për hir të klubit dhe ngjyrave të saj po largohem nga kjo skuadër që dhashë më të mirën që pata mundësi, skuadra e Gjilanit gjithmonë do të jetë në zemrën time me këtë skuadër kam përjetuar shumë gëzime e hidhërime, por për të mirën e klubit nuk do të jem pjesë e saj”, ka bërë të ditur Kastrati.

Më herët largimin nga klubi e kanë paraqitur Murat Hoxha, Xhelal Selimi, Agron Korça, Armend Kërqeli, Ensar Kadriu dhe Blerim Sërmaxhaj./sylejman ismajli/rajonipress/