Albani edhe puna, po duket se janë vite drite larg

Gjilan – Me kujdes e analizuam raportin e punës të z.Alban Hysenit. Aty në pjesën më të madhe nuk gjen gjë pos raportim për punët e përditshme thuhet në reagimin e Lëvizjes “Vatra”.

U bënë dy vite e disa muaj prej se e mori detyrën e të parit të Gjilanit dhe ende nuk ia nisi për së mbari. Vetëm ankesa. Don m’i shku krejtë mandatit pa i thanë kërkush “puna mbarë”. Albani edhe puna po duket se janë vite drite larg. Kryetari bën mirë që ose t’ia nisë punës ose ta lë krejt këtë muhabet.

Nëse nuk di, ai duhet të pyes, nëse nuk mundet, ai duhet të kërkojë ndihmë. Më mirë do të ishte të lëshoj rrugë, u bë kryetar, i bëri plotë foto të bukura në zyre, në CV i shkruan kryetar komune… me gjasë, më shumë nuk ka çka jep për Gjilanin. U lodh njeri ende pa ia nisë.