Albana Morina frizerja e famshme në Gjermani tani në dy sallone me emër

RajoniPress 16:55, 8 Dhjetor, 2020

/ 2 minuta lexim

Albana Morina është artistja e fushës së bukurisë për të cilën është folur e shkruar disa herë, kjo për shkak të punës profesionale që bënë si frizere, grimere, por edhe në linja të tjera të estetikes, shkruan “Kosovarja”.

Albana, është mjeshtre universale dëshmuar në botën e së bukurës. E njohur për aplikimet ekskluzive në flokë, përfshirë prerjet, frizurat, shatiret me metodat më inovative, etj, Albana bënë punë ekskluzive edhe si grimere, e gjithashtu ka një klientelë të gjerë për mbjelljen e qerpikëve, pasi ka dëshmuar se puna e saj është e pa krahasueshme në këtë pikë.

Së fundi, hair-artistja Albana Morina, aktivitetin e saj është duke e ushtruar njëkohësisht në dy sallone të njohura në Gjermani, gjegjësisht në “Florya hair & beuty” me pronar Mirvan Hoxha, që gjendet në Frankfurt dhe po ashtu në sallonin “Gyli’s haar studio” me pronare Gilimsere Zeqiraj, që është në afërsi të Dermstadit. Të dy sallonet janë të afirmuara dhe bëjnë punë të shkëlqyer.

Albana, tregon se ajo e bënë me përkushtim dhe pasion të rrallë punën e saj, andaj edhe rezultatet janë këto që shihen.

E shkolluar dhe certifikuar në shkollat dhe akademitë më të mira profesionale, artistja shqiptare cilësohet si një nga më të talentuarat në fushën e bukurisë, e këtë e tregojnë edhe fotot e më poshtme të punës së saj.