Albana Azizi nga Bujanoci mysafire nderi në MTV EMA me Rita Orën

Bernë – Kanali i njohur dhe prestigjioz -MTV solli një surprizë për shikuesit e vetë ku, pos Rita Orës, e cila pushtoi edhe skenën e evenimentit të televizionit më të madh muzikor në botë, në mesin e “yjeve” prezantoi edhe një tjetër shqiptare, Albana Azizi nga Bujanoci, kandidate serioze për prezantimin e Zvicrës në Ewrovisonin e vitit të kaluar në Azerbejxhan.

Këngëtarja nga Kosova Lindore Albana Azizi ishte këngëtarja tjetër shqiptare e cila ishte e ftuar në spektaklin e njohur evropian në Evropë- MTV (Europe Music Aëards) njofton Presheva Jone.

„Edhe unë si shqiptare isha e ftuar të jem përkrah këngëtarëve me famë botërore dhe për mua ishte një privilegj, krenari dhe respekt ndaj zërit, perfomancës sime si këngëtare në Zvicër. Njëherësh isha e lumtur se dy këngëtare shqiptare Rita Ora dhe unë ishim mysafirë në një emision të një televizioni prestigjioz në botë MTV „ ka deklaruar Albana Azizi për „Presheva jonë“

Këngëtarja e talentuar kosovare Albana Azizi e cila jeton dhe vepron me prindërit e saj (Bajrush dhe Sebehate Azizi) në Zvicër, ku MTV EMA përkrah shumë këngëtarëve të njohur botërorë pati po ashtu nderin të kishte një mysafire të dytë shqiptare kësaj radhe nga Kosova Lindore. Albana së fundi pritet të vijë me projekte të reja muzikore, pasi ka lidhur kontratë me një produksion zvicerano-amerikan.

Meqenëse jemi të prag të Ditës së Flamurit, jubile ky historik me rastin e 100 –vjetorit të pavarësisë Albana Azizi uron bashkëkombësit e vetë në Luginën e Preshevës, në Zvicër dhe mbarë shqiptarët në Gadishullin Ilirik dhe botë Ditën e Flamurit, ditën e themelimit të shtetit tonë para një shekulli./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).