Alban Ramushi priti në takim N/kolonelin e KFOR-it finlandez

Gjilan – Komandanti i stacionit policor të Gjilanit Major Alban Ramushi ka patur një takim me N/kolonel, Petri Majuri, zëvendës komandant i KFOR-it për bashkëpunim në rajonin e Jug-lindjes, nga kontingjenti Finlandez.

Ramushi i uroj mirëseardhje N/kolonelit Majuri, dhe i tha se keni ardhur në kohën kur qyteti është i stërmbushur sepse qyteti i Gjilanit është qyteti që më së shumti ka njerëz në diasporë, dhe këta dy muaj korrik dhe gusht, vijnë numër i madh i bashkatdhetarëve për pushime nga perëndimi.

Ai e njoftoi z/Komandantin e KFORIT se gjendja e sigurisë në qytetin e Gjilanit është e qetë dhe se qyteti i jonë është shpallur zyrtarisht edhe si qytet i paqes, duke marrë parasysh kulturën edhe tolerancën ndër etnike e ndër fetare.

Major Ramushi tha se ne jemi të mobilizuar që ta mbajmë të qetë dhe nën kontroll sigurinë, kemi edhe bashkëpunim me njësitet regjionale, që na mbështesin me forca shtesë në ç’do kohë kur një gjë e tillë është e nevojshme..

Ai gjithashtu i përmendi se policët janë të angazhuar maksimalisht për të bërë punën e tyre në mënyrën më të mirë të mundshme.

Majori i shpjegoi N/kolonel Majurit për policinë në bashkësi, po ashtu edhe për KLSP që bashkëpunojnë ngushtë edhe me komunitetet e ndryshme dhe me organet komunale për çështjen e sigurisë në komunën tonë.

Gjithashtu Policia ka shpërnda edhe fletushka të ndryshme vetëdijesuese për qytetarët, për situatën e sigurisë dhe për shumë çështje të ndjeshme lidhur me sigurinë e jetës dhe pronës së tyre.

Konkludim i përbashkët ishte se ngushtë do të bashkëpunojnë në fushën e sigurisë Policia e Kosovës dhe KFOR- në mënyrë që të sigurohet një ambient i qetë i sigurtë dhe prosperues për të gjithë thuhet në njoftimin e Ismet Hashanit./rajonipress/