Alban Meha: Nuk luaj për Kosovën

Futbollisti i kombëtares shqiptare, Alban Meha, ka pranuar se trajneri i Kosovës, Albert Bunjaki, i ka dërguar një ftesë për ta pasur në ekip gjatë ndeshjes së parë miqësore që do të zhvillojnë shumë shpejt. Kjo është hera e parë që një lojtar del hapur dhe pranon se drejtuesit e Kosovës dhe vetë trajneri e ka kontaktuar nga afër për ta grumbulluar.

Alban Meha konsiderohet si një lojtar mjaft i rëndësishëm për kombëtaren shqiptare dhe Gianni De Biasi e ka grumbulluar në të gjitha ndeshjet me rëndësi.

Por mesfushori ia ka bërë të qartë teknikut të Kosovës se nuk është i interesuar të luajë vetëm për ndeshje miqësore, që do të thotë se do të vijojë të jetë i veshur me bluzën e Shqipërisë, të paktën deri në anëtarësimin e Kosovës në FIFA.