Alban Imeri, nuk zgjidhet në komisionin për natyralizim
RajoniPress
09:27, 11 Mars, 2013
Tri vendet e liruara i kanë zënë: Bruno Niederer (SVP, 1047 vota), Ruedi Meier (SP, 1014 vota) dhe Urs Stoller (SVP, 978 vota). Ndërsa Alban Imeri ka fituar 583 vota duke mbetur i fudit në mesin e gjashtë kandidatëve.
Javën e kaluar në qytetin Romanshorn të Kantonit Thugau janë mbajtur zgjedhjet për tre anëtarë në komisionin e natyralizimit (dhënien e shtetësisë shtetasve të huaj). Në garën për tri vende të lira patën konkurruar gjashtë veta, në mesin e të cilëve edhe politikani i ri me rrënjë shqiptare nga Maqedonia, Alban Imeri. Studenti 22 vjeçar, Imeri i cili është aktivist i partisë së re BDP (Partia e Djathtë Demokratike) nuk ia ka dalë të depërtojë në këtë garë.
Tri vendet e liruara i kanë zënë: Bruno Niederer (SVP, 1047 vota), Ruedi Meier (SP, 1014 vota) dhe Urs Stoller (SVP, 978 vota). Ndërsa Alban Imeri ka fituar 583 vota duke mbetur i fudit në mesin e gjashtë kandidatëve.
Me përbërjen e re, komisioni përbëhet nga 7 përfaqësues të SVP/UDC-së, 3 të FDP/PLR-së, 2 të SP/PS-së, një i CVP/PDC-së dhe 2 të pa parti.
Në një intervistë të dhënë në gazetën “St.galler Tagblatt” me rastin e kandidimit të tij për në Komisionin për Natyralizim, Albani është prezantuar si një i ri mendjehapur dhe me përvoja të larmishme. “Unë vetë e kam fituar shtetësinë e Zvicrës para tetë vitesh. Me këtë përvojë unë sjell me siguri një këndvështrim plotësues brenda komisionit për natyralizim”, ka thënë ai. Ndërsa ka pohuar se dy herë e ka ndjerë veten si i huaj: Në Zvicër, para se të fitonte shtetësinë e këtij vendi (deri në vitin 2005) dhe në Maqedoni, ku , ai thotë se “ndjehet edhe më i huaj se në Zvicër”.
Imeri thotë më tutje se sipas mendimit të tij, komisionet për natyralizim bëjnë gabim “kur nuk i japin shtetësinë një të huaji të moshuar, i cili, edhe pse i integruar, e flet gjermanishten me vështirësi, ndërsa ia japin ndonjë të riu që ka mësuar përmendësh përgjigjet e testit, edhe pse privatisht gjithë kohën flet kundër Zvicrës.”
Albani vitin e kaluar qe kandiduar për këshilltar në asamblenë e komunës së Romanshornit nga partia e tij BDP, ku nuk pati arritur të zgjidhej.(albinfo)
