UBT

Alban Hyseni: Së bashku me “Skifterat” do t`i gëzohemi fitores

/ 2 minuta lexim

Gjilan – Skuadra e Gjilanit në javën e 27-të, do të jetë nikoqire e Trepcës’89, ku pritet të jetë një ndeshje mjaft e vështirë. Në këtë përballje “bardh e kuqët” e Gjilanit, do të kërkojnë tri pikë të reja për gjumë të rehatshëm për tu stabilizuar në mesin e tabelës në Superligë.

Për trajnerin, Alban Hysenin, trajnerin e Gjilanit ky ballafaqim do të jetë mjaft i rëndësishëm për skuadrën e tij.
“Do të jetë një ndeshje mjaft e fort, në këtë ballafaqim kërkojmë tri pik të reja, do të jetë vështir por alternativ tjetër nuk kemi pasiqë pikërisht në duelin e nesërm kërkojmë të stabilizohemi në tabelë, kemi punuar gjatë javës dhe disponimi është mjaft i mirë
përpos Mbella i cili është i lënduar të gjithë futbollistët tjerë janë të gatshëm për lojë”.

KKGJILAN

Trajneri Hyseni ka përkrahur me të madhe rikthimin e “Skifterave” në shkallët e stadiumit.
” “Skifterat” janë futbollisti ynë i 12-të, dhe kërkoj nga ata që në mënyrë masovike t’ju mësyn shkallëve të stadiumit të qytetit që të japin ma të mirën e tyre për ngjyrat e klubit ashtu siç din dhe munden vetëm “Skifterat”.

Ndeshja fillon në ora 15:00, në stadiumin e qytetit në Gjilan./rajonipress/