Alban Hyseni: Në Prizren udhëtojmë për rezultat pozitiv

Gjilan – Futbollistët e Gjilanit nesër në stadiumin “Përparim Thaqi” në Prizren, do ti pret një ballafaqim mjaft i vështirë me Lirinë në kuadër të javës së 29-të.

Për Gjilanasit ky ballafaqim do të jetë mjaft i rëndësishëm, kur kanë mbetur edhe 5 javë gjerë në përfundim të kampionatit futbollistik në Superligë.

Gjilanasit si asnjëherë më parë janë të mobilizuar që së paku të kthehen të pamposhtur.

Trajneri i Gjilanit, Alban Hyseni, shpreson në paraqitje të mirë për tu kthyer të pamposhtur.
“Do të zhvillojmë një ndeshje kundër një kundërshtari të fort siq është Liria, por ne nuk do të jemi pa gjasa pasiqë jemi të mobilizuar si asnjëherë më parë, edhe pse e dimë “bardh e zinjët” e Lirisë si vendas luajnë mjaft mirë në fushën e tyre me bari sintentik por ne udhëtojmë të paraqitemi sa më mirë për tu kthyer me rezultat pozitiv”.

Trajneri Hyseni ka bërë të ditur se të gjithë futbollistët i ka në dispozicion, përpos futbollisti Mbella i cili tani e një kohë është i lënduar./rajonipress/