AKV “Gjilani” prezantohet suksesshëm në Burrel

Gjilan – Ansambli i Këngëve dhe Valleve “GJILANI”, mori pjesë në Festivalin e Këngës Epike dhe Lirike, “Burrel 2016”.

“Festivali i këngës Lirike dhe Epike” u mbajt për herë të dytë në rrethinën e Matit, ku qëllimi i këtij festivali është që të kultivohet dhe të ruhet kënga epike dhe lirike sa më shumë në trevat shqiptare tha Nehat Ferati kryetar i ansamblit.

Ansambli “GJILANI” mori pjesë në këtë Festival, duke u munduar që ta pasuroj gjithmonë këtë ngjarje kulturore me programet tona, krahas shumë Ansambleve dhe grupeve tjera nga të gjitha trojet tona.

Ansambli i Këngëve dhe Valleve “GJILANI” në këtë Festival u paraqit në natën e dytë finale me dy këngë Lirike nga grupi i këngëtarëve dhe orkestrës dhe u prit jashtëzakonisht ngrohtë nga publiku Matjan.

Në këtë paraqitje ansambli ynë u shpërblye me çmimin e “Kolonisë se piktorëve” të cilët po ashtu kishin një aktivitet të mrekullueshëm.

Vlen të theksohet se organizimi dhe mikpritja Matjane ishin të mrekullueshme, njëherit i shprehim mirënjohje organizatorëve që patën forcën dhe kurajën të bëjnë këtë punë të mrekullueshme.

Këto organizime janë shumë të qëlluara dhe të domosdoshme për kultivimin e vlerave artistike kombëtare ka thënë në fund kryetari i Ansamblit të Këngëve dhe Valleve “GJILANI”, Nehat Ferati./rajonipress/