AKV “Gjilani” pjesëmarrës në Festivalin Ballkanik të folklorit “Jehona” në Bujanoc

Ansambli i Këngëve dhe Valleve “GJILANI”, mori pjesë në Festivalin Ballkanik të Folklorit “JEHONA” në Bujanoc 2016.

“Festivali Ballkanik i Folklorit JEHONA” është Festival i Folklorit Ballkanik, i cili u mbajt për herë të parë në qytetin e Bujanocit.

Ansambli “Gjilani”, mori pjesë në këtë Festival, duke u munduar që ta pasuroj gjithmonë këtë ngjarje kulturore me programet tona, krahas shumë Ansambleve dhe grupeve tjera nga: Maqedonia, Serbia, Lugina e Preshevës dhe Kosova ka thënë Nehat Ferati kryetar i Ansamblit.

Ansambli i Këngëve dhe Valleve “Gjilani” në këtë Festival u paraqit me këngë, valle koreografike dhe valle burimore tradicionale, të përgatitura nga këshilli artistik i Ansamblit.

Vlen të theksohet se ky Festival, nisur nga deklarimet e organizatorëve nga viti i ardhshëm do të mbahet në të gjitha Komunat e Luginës së Preshevës, dhe synimi i tyre ishte që të zgjerohet edhe më tej me Ansamble dhe grupe të ndryshme nga i gjithë Ballkani.

Këto organizime janë shumë të qëlluara dhe të domosdoshme për kultivimin e vlerave artistike kombëtare, njohjen dhe lidhjen sa më shumë të rinjve të Ballkanit tha Ferati./rajonipress/