AKV “Gjilani” përfaqësoj Kosovën në ”Festivalin Ballkanik Izmir-Turqi 2016”

Gjilan – AKV, ”Gjilani” këto ditë është kthyer nga Turqia ku ka përfaqësuar Kosovën në mënyrë dinjitoze në “Festivalin Ballkanik Izmir 2016″.

Në këtë festival AKV “Gjilani”, është paraqitur me programet tona të larmishme me motive nga të gjitha trevat Shqiptare, krahas të gjitha vendeve të Ballkanit tha Nehat Ferati kryetar i ansamblit.

Paraqitja e suksesshme e AKV “Gjilani”, në këtë ngjarje shumë të rëndësishme për kulturën në përgjithësi është nderuar edhe nga organizatori me mirënjohje speciale, ku meritor për këto paraqitje janë anëtarët e Ansamblit dhe i gjithë stafi që për një kohë të gjatë është përgatitur që përfaqësimi të jetë sa më dinjitoz .

Vlen të theksohet se pjesëmarrjet e këtilla janë shumë produktive për njohjen, bashkëpunimin dhe shkëmbimin e përvojave mes vendeve të ndryshme, mes të rinjve tanë me kultura dhe tradita të vendeve të Ballkanit dhe më gjerë.

Gjithashtu janë krijuar kontakte me shumë organizata-shoqata të ndryshme që veprojnë në qytetin e Izmirit për një bashkëpunim të mirëfilltë në të ardhmen.

Për të marr pjesë në këtë Aktivitet shumë të rëndësishëm AKV “Gjilani” është mbështetur edhe nga Komuna e Gjilani,t me këtë rast u jemi shumë mirënjohës dhe shpresojmë që në të ardhmen përkrahja institucionale nuk do të mungoj ka thënë Kryetari i Ansamblit të Këngëve dhe Valleve “Gjilani”, Nehat Ferati./rajonipress/