AKV “Gjilani” fitues i vendit të parë në Obiliq

Gjilan – Ansambli i Këngëve dhe Valleve “GJILANI”, nga qyteti i Gjilanit, është fitues i Çmimit të -I-rë , ne Festivalin e Këngëve dhe Valleve ,,SYZI 2014″Kastriot (ish Obiliq ). Festivali i Këngëve dhe Valleve ,,SYZI 2014″ është Festival tradicional qe mbahet ne Qytetin e Kastriotit-ish Obiliq-it për nderë të Dëshmorit të Kombit Xhavit Haziri -Syzi.

Ansambli ,,Gjilani” në ketë festival është paraqitur me Këngë e Valle, Rite dhe Zakone tradicionale të trevës sonë, Valle Koreografike dhe Këngë popullore të interpretuara në mënyrë profesionale nga pjesëtarët e Ansamblit “Gjilani” tha Nehat Ferati kryetar.

Sipas tij në këtë Festival kishte Ansamble dhe Grupe të ndryshme nga ta gjitha trevat Shqiptare e të cilat sigurisht që u paraqiten me programe të larmishme dhe shumë të bukura, mirëpo juria profesionale u përcaktua që vendi i parë t`i ndahet Ansamblit “Gjilani” si Ansambël më i kompletuar profesional dhe më gjithëpërfshirës.

Ky aktivitet është realizuar me punë të palodhshme nga Këshilli Artistik tha kryetari i Ansamblit të Këngëve dhe Valleve ,,Gjilani”, Nehat Ferati./rajonipress/