AKV “Gjilani” fitues i vendit të I-rë në festivalin mbarëkombëtar “Kaçaniku 2018”

Gjilan – Në këtë festival është paraqitur me këngë e valle popullore të pagatitura enkas për këtë festë në Kaçanik, duke iu falënderuar gjithë pjesëtarët e Ansamblit për angazhimin, sakrificën dhe kontributin e madh që po japin në sukseset e Ansamblit GJILANI, në veçanti Maestron Murat Ismajli dhe këshillin artistik të ansamblit për përkujdesjen artistike, me orkestrën profesioniste dhe këngëtarët e mirënjohur gjilanas: Avdi Latifi, Qemajl Musliu, Afrim Haziri, Nazim Gagica, Adnan Leka, Meti Maloku, Nehat Ferati, Suela Ismaili, Eronita Qerimi dhe Rinesa Zairi, Qemajl Musliu për realizimin e kolazhit te valleve.

Gjithashtu i urojmë edhe fituesit e tjerë, dhe falënderojmë organizatorin për pritjen dhe realizimin e këtij festivali të mrekullueshëm, sepse këto ngjarje kulturore janë shume te rëndësishme për ruajtjen dhe kultivimin e vlerave tona kombëtare, shkëmbimin e përvojave me artistet e te gjitha trevave tona thuhet në njoftimin e Nehat Feratit kryetar i ansamblit./rajonipress/